სასწავლო პროექტი

გადავარჩინოთ ჩვენი სოფლის მდინარე 

პროექტის იდეა: მოსწავლეებმა   გამოკვეთონ   თავიანთი   სოფლის   ეკოლოგიური   ვითარება. 

პროექტის  აქტუალობა: მსოფლიო  ეკოლოგიური  კრიზისის   წინაშე  დგას. ამიტომაც დიდი ყურადღება უნდა მივაქციოთ ჩვენს ირგვლივ მყოფი გეოგრაფიული ობიექტების ეკოლოგიურ დაცვას.

პროექტის მიზანი: შეეძლოს მოსწავლეებს ეკოლოგიური პრობლემის დანახვა, მისი დაძლევის გზების ძიება, განუვითარდეს დაკვირვების, ინფორმაციის მოძიების, შეგროვების, ანალიზის და პრაქტიკულად ცხოვრებაში გამოყენების უნარი.

მონაწილეთა ასაკი: 12–14 წელი.

ვადა: ერთი კვირა.

პროექტის მოსალოდნელი შედეგი: მოსწავლეები ინფორმაციის მოგროვების, აქციების მოწყობის შემდეგ შეძლებენ, მოამზადონ თემა: გადავარჩინოთ ჩვენი სოფლის მდინარე. ამავე დროს შეძლებენ ეკოლოგიური პრობლემის დანახვას და მისი მოგვარების გზების ძიების უნარ–ჩვევებს.

პროექტისათვის საჭირო რესურსი: საწერკალამი, ფურცლები, თუნუქის მასალის ნაჭრები ტრაფარეტებისათვის, ფოტოაპარატი, კომპიუტერი, ინტერნეტი.

პროექტის მსვლელობა:

აქტივობა 1 _ ბავშვებს ვყოფ ჯგუფებად. პირველს ვავალებ შეისწავლონ მდინარის ეკოლოგიური მდგომარეობა, სანაპიროს დათვალიერება 2 კმ მანძილზე. მერე ჯგუფი გადაიღებენ სურათებს და გამოკითხავენ მოსახლეობას.

აქტივობა 2 _ მოვახდენთ შეგორვებული მასალის ანალიზს. გამოვკვეთთ პრობლემას:

I პრობლემა _ მდინარის დაბინძურება საყოფაცხოვრებო ნარჩენებისაგან.

II პრობლემა _ ინერტული მასალების უკანონოდ მოპოვება.

III პრობლემა _ თევზჭერა არაკანონიერი გზით, არასასურველ დროს.

აქტივობა 3 _  დავიწყებთ პრობლემის მოგვარების გზების ძიებას. (მოსახლეობის გაფრთხილება სიტყვიერად, ტრაფარეტების გაკეთება).

აქტივობა 4 _ შაბათობა, მდინარის გარკვეული მონაკვეთის დასუფთავება.

აქტივობა 5 _ თემის დაწერა.

აქტივობა 6 _ პროექტის შეჯამება და შეფასება.

ეროვნულ სასწავლო გეგმასთან კავშირი: გეოგრაფია, საზოგადეობრივი მეცნიერებები.

გეო. X. 2. მოსწავლეები აგროვებს გეოგრაფიული კვლევისათვის საჭირო ინფორმაციას.

საზ. მეცნიერებები V-VI. 2. მოსწავლეები იყენებს და ქმნის ინფორმაციის გადმოცემის სხვადასხვა საშუალებებს. ცხრილს, ფოტოს, ჩანახატს.

პროექტის ხელმძღვანელი: ლალი ქილიფთარი.

ხელმძღვანელის ელ–ფოსტა: lalikiliptari@gmail.com